22nd Dec 2016 DMC Central Karachi News & Picture Visit M.Shah graveyard


چیئرمین بلدیہ وسطی اور ممبرانِ قومی و صوبائی اسمبلی کی نگرانی میں محمد شاہ قبرستان سے گندے پانی کی نکاسی 

 اور محکمہء کچی آبادی کی لاپرواہی قبروں تک گندے پانی کی رسائی کا سبب بنی ،ارکانِ اسمبلیkwsb

مورخہ 22 / دسمبر 2016ء ؁

کراچی( پ۔ر) محمد شاہ قبرستان نارتھ کراچی میں سیوریج لائن کے پانی کے رساؤ کی خبر پر چیئرمین بلدیہ وسطی ریحان ہاشمی اور وائس چئیرین سید شاکر علی نے حق پرست ممبرانِ قومی و صوبائی اسمبلی عبدالوسیم ،عظیم فاروقی، جمال احمد اور انور رضا کے ہمراہ مذکورہ قبرستان کا دورہ کیا۔ واٹر اینڈ سیوریج بورڈ کے اہلکاروں کو طلب کرکے سخت برہمی کااظہارکیا اور مخدوش پائپ لائنوں کی مرمت اپنی نگرانی میں کرائی۔ ریحان ہاشمی نے اس موقع پرحکومتِ سندھ کے محکمہء کچی آبادی کے بااختیار افراد سے مطالبہ کیا کہ محمد شاہ قبرستان کے قریب موجود کچی بستی میں نکاسی آب کا نظام درست کیا جائے تاکہ آئندہ گندہ پانی قبرستان کی جانب اپنا راستہ نہ بناسکے۔ واضح رہے کہ محمد شاہ قبرستان کے نزدیک برسوں سے آباد کچی آبادی میں نکاسئ آب کا نظام دُرست نہ ہونے کی وجہ سے عام طورپر آبادی سے خارج ہونے والا گندہ پانی محمد شاہ قبرستان کی حدود میں موجود قبروں میں داخل ہوجاتاہے ۔ تاہم بے شمار یاد دہانیوں کے باوجود محکمہKWSB کے افسران اور اہلکاروں کے کان پر جوں تک نہیں رینگتی۔یہ صورتِ حال کسی بھی شہر اور اسکے باسیوں کے لئے ناقابلِ قبول ہے ۔ اس لئے چیئرمین بلدیہ وسطی اور حق پرست نمائندگانِ قومی و صوبائی اسمبلی نے اس صورتِ حال سے نمٹنے کے لئے فوری اقدامات کئے ۔تاہم محکمہء کچی آبادی اور KWSBکو باہمی 
انڈراسٹینڈنگ کے ساتھ کچی آبادی کے مسائل اور نظامِ نکاسئی آب کو دُرست کرنا چاہئے۔


22nd Dec 2016 DMC Central Karachi News & Picture Visit M.Shah graveyard


21st Dec 2016 DMC Central Karachi News & Picture Clean Karachi Walk


طلبہ و طالبا ت صفائی مہم میں اپنا بھر پور کر دار ادا کر یں۔ وسیم اختر 

ضلع وسطی کے تعلیمی اداروں کے تعاون سے صفائی مہم کو آگے بڑھا ئینگے۔ ریحا ن ہاشمی 

پرایؤیٹ اسکولوں کی جانب سے میئر کراچی کے ساتھ ہر سطح پر تعاون کیا جائے گا۔ سید خالد شاہ 

ڈی ایم سی سینٹرل اور آل پرائیویٹ اسکولز مینجمنٹ ایسو سی ایشن سندھ کے تحت صفائی مہم کے سلسلے میں 
منعقدہ ریلی سے خطاب 

مورخہ 21 / دسمبر 2016ء ؁

کراچی( پ۔ر) میئر کراچی وسیم اختر نے کہا ہے کہ تحریک پاکستان سے لے کر تشکیل پاکستان تک تعلیمی اداروں نے انتہائی اہم کردار ادا کیا ہے اور تعلیمی ادارے جس تحریک کا حصہ بن جا ئیں وہ نا کام نہیں ہوتی بلکہ منزل مقصو د پر پہنچ کر ہی ختم ہو تی ہے ۔ ہمیں قوی امید ہے کہ ہماری 100روزہ صفائی مہم کی تحریک یقینی طور پر کامیابی سے ہمکنار ہو گی کیونکہ اب اس تحریک میں تعلیمی اداروں کے اساتذہ اور طلبہ و طالبات بھی شامل ہو گئے ہیں ان خیالات کا اظہار انہوں نے ڈی ایم سی سینٹرل اور آل پرائیویٹ اسکولز مینجمنٹ ایسو سی ایشن سندھ کے زیرِ اہتمام صفائی مہم کے سلسلے میں تعلیمی اداروں کے ہزاروں طلبہ و طالبا ت پر مشتمل ریلی سے طاہرولاز چورنگی پر خطاب کرتے ہوئے کیا اس موقع پر میئر کراچی نے چیئر مین آل پرائیویٹ اسکولز مینجمنٹ ایسو سی ایشن سندھ سید خالد شاہ اور انکے احبا ب کاشکریہ اداکیا کہ جنہوں نے ڈی ایم سی سینٹرل کے چیئر مین ریحا ن ہاشمی کے ساتھ مل کر اس مہم کو آگے بڑھا نے میں اہم کرداراداکیا۔ جس سے ثابت ہوتاہے کہ وسائل کتنے ہی کم کیوں نہ ہوں ہماراجذبۂ خدمت لامحدود ہے ۔ انہوں نے کہا کہ واک میں موجود شرکاء کی تعداد دیکھ کر اس بات کا اندازہ لگایا جاسکتا ہے کہ ضلع وسطی کے عوام اور طلباء و طالبات 100 روزہ مہم میں ہمارے ساتھ ہیں ۔اس موقع پر چیئر مین ڈی ایم سی سینٹرل ریحا ن ہاشمی، وائس چیئر مین سید شاکر علی، ایم این اے عبدالوسیم، ایم پی اے جمال احمد،عظیم فاروقی ،حاجی انور رضا ، منتخب بلدیاتی نمائندے ، چیئر مین آل پرائیویٹ اسکولز مینجمنٹ ایسو سی ایشن سندھ سید خالد شاہ، بریلنٹ گروپ کے CEO طا ر ق شاہ، ہیپی پیلس گروپ کے سربراہ آصف خان، وائس چیئر مین اپسما ء عتیق شمسی ، وائس چیئر مین اپسما ء کراچی ڈویژن فرقان بلال، اساتذہ اور بچوں کی بڑی تعداد واک میں شامل تھی ۔




21st Dec 2016 DMC Central Karachi News & Picture Clean Karachi Walk

20th Dec 2016 DMC Central Karachi News & Picture eradication chikungunya virus



چکن گونیا سے بچاؤ کے لئے فوری اور موثّراقدامات کئے جائیں ،ریحان ہاشمی 

بلدیہ وسطی میں چکن گونیا سے سے بچاؤ کے لئے احتیاطی تدابیر اختیار کی جائیں

اپنی مدد آپکے تحت چاروں زونز میں مچھر مار اسپرے شروع کیا جائے ۔افسران کو ہدایت 

جگہ جگہ مخدوش پائپ لائنوں سے پانی کا رساؤ مچھروں کی افزائش میں معاونت کررہا ہے ،ریحان ہاشمی کی 
واٹر اینڈ سیوریج بورڈ پر برہمی

مورخہ 20 / دسمبر 2016ء ؁

کراچی ( )شہر میں نئی بیماری چکن گونیا وائرس سے پھیل ری ہے جو مچھر کے کاٹنے سے انسانی جسم میں سرائیت کرتا ہے جس سے اب تک 1500 شہری بیمار ہونے کی خبر کا نوٹس لیتے ہوئے چیئرمین بلدیہ وسطی ریحان ہاشمی نے ضلع وسطی میں احتیاطی تدابیر اختیار کرنے کی ہدایت جاری کردیں انہوں ضلع وسطی کی تمام یونین کمیٹیوں کے چیئرمین و بلدیہ وسطی کے افسران کو ہدایت کی کہ وہ انسانی جانوں کو محفوظ بنانے کے لئے اپنی مدد آپ کے تحت اپنے اپنے علاقوں میں مچھر مار ادویات کے اسپرے کو یقینی بنائیں ریحان ہاشمی نے کہا کہ انسانی صحت زندگی کی اہم ترین ضرورت ہے کسی بھی جان لیوا بیماری کی طرف سے لا پرواہ برتنا موت کو دعوت دینے کے مترادف ہے اس لئے ضروری ہے کہ چکن گونیا سے ضلع وسطی کی عوام کو بچانے کے لئے فوری اقدام کئے جائیں کیونکہ یہ بیماری مچھر کے کاٹنے سے پیدا ہوتی ہے اس لئے مچھر کی پیدائش اور افزائش کی جگہ پر خاص طور پر مچھر مار ادویات کا اسپرے کیا جائے انہوں نے واٹر اینڈ سیوریج بورڈ کی ناقص کارکردگی پر برہمی کا اظہار کرتے ہوئے کہا کہ جگہ جگہ واٹر اور سیوریج کی مخدوش پائپ لائنوں کے رساؤ سے پیدا ہونے والے پانی کے گڑھے مچھروں کی افزائش میں معاونت کر رہے ہیں ریحان ہاشمی نے واٹر اینڈ سیوریج بورڈ سے مطالبہ کیا کہ فوری طور پر مخدوش لائنوں کی مرمت کرائی جائے جبکہ جمع شدہ پانی کو بھی فوری صاف کرنے کے اقدام کئے جائیں تاکہ جگہ جگہ مچھروں کی افزائش کے عمل کو روکا جاسکے اس موقع پر انہوں نے عوام سے بھی اپیل کی کہ وہ اپنے علاقے کو صاف ستھرا رکھنے میں بلدیہ وسطی کے ورکرز کے ساتھ تعاون کریں اور اپنا کوڑا کرکٹ مقررہ کچرا کنڈیوں میں پھینکے۔واضح رہے کہ بلدیہ وسطی نے گزشتہ ماہ سے ضلع کے مختلف علاقوں میں ہنگامی بنیادوں پر ڈئنگی کے خلاف مہم تسلسل سے جاری ہے اس تسلسل سے پرعزم ہے کہ ضلع وسطی کو مچھروں سے پھیلنے والی بیماریوں سے محفوظ رکھیں گے۔ 



20th Dec 2016 DMC Central Karachi News & Picture eradication chikungunya virus

19th Dec 2016 DMC Central Karachi News & Picture Visit UC 45



بلدیہ وسطی میں100 روزہ صفائی مہم کا اُنّیِسواں دِن

چیئرمین بلدیہ وسطی ریحان ہاشمی ،وائس چیئرمین سید شاکرعلی کا نیو کراچی کا ہنگامی دورہ 

بلدیاتی ادارے خدمتِ انسانیت کے ادارے ہیں۔ ریحان ہاشمی 

اختیارات اور وسائل کی کمی عوامی خدمت کی راہ میں رکاوٹ نہیں وسائل محدود جذبے لامحدود 

مورخہ; 19 دسمبر/ 2016ء ؁

کراچی ( ) میئر کراچی وسیم اختر کی ہدایت پر ضلع وسطی میں جاری ۱۰۰؍روزہ صفائی مہم اُنَّیسویں روز بھی اُسی جوش و جذبہ سے جاری رہی۔ جس کے ساتھ پہلے دِن شروع ہوئی تھی۔ یوسی13,12.11,6 نیو کراچی میں گلیوں محلّوں کی صفائی کے علاوہ کئی ٹن کوڑا کرکٹ بھی آبادیوں سے اُٹھا کر ڈمپنگ پوائنٹ پر پہنچایاگیا۔پارکوں اور کھیل کے میدانوں کی صفائی کے ساتھ ساتھ رنگ و روغن کا کام بھی جاری ہے ۔ بلدیہ وسطی کے سینی ٹیشن ڈپارٹمنٹ کے کارکنان تندہی کے سا، تھ دستیاب وسائل سے بھرپور استفادہ کرتے ہوئے، اپنی اپنی ذمی داریاں نبھارہے ہیں تاکہ بلدیہ وسطی کی ہر یوسی اپنی مثا ل آپ نظر آئے۔چیئرمین بلدیہ وسطی ریحان ہاشمی نے وائس چیئرمین سید شاکر علی کے ہمراہ 100روزہ صفائی مہم کے برآمد ہونے والے نتائج کا معائنہ کرنے کے لئے نیوکراچی کی مختلف یوسیزکا دورہ کیا جبکہ یوسی 13؍گودھرا کالونی میں گودھرا مسلم اسپتال کے اطراف ، ڈی ایم سی سینٹرل ڈسپنسری اور عیدگاہ گراؤنڈ کے اطراف سے کچرا اُٹھانے اور صفا ئی کے کام کا معائنہ ، یوسی 12؍ او13 کی درمیان سڑک ’’2300روڈ‘‘ کے اطراف اور آئی لینڈ پر صفائی کاکام۔ یوسی 6الیون ڈی، قریشی مسجداور جماعت خانہ کے اطراف صفائی ۔ یوسی 11؍ 5۔جی بلا ل مسجد، کمیونیٹی سینٹر اور بلاک 98میں رحمانیہ مسجد، صدیق مسجد اور بلاک 100میں گؤ شالہ کے اطراف ، بن قاسم اسٹیڈیم جبکہ یوسی 7شاہ فیصل کا ہنگامی دورہ کیا۔ کارکنان اور افسران کو اپنے فرائض میں تندہی سے مصروف دیکھ کر انکی حوصلہ افزائی کی۔ اور انہیں مزید تندہی اور ولولے کے ساتھ خدمات انجام دینے کی تلقین کرتے ہوئے کہا کہ بلدیاتی ادارے در اصل انسانیت کی خدمت کے ادارے ہیں کیونکہ اللہ تعالیٰ اُن لوگوں کو زیادہ پسند کرتاہے کہ جو انسانیت کی خدمت کرتے ہیں۔ تاہم یہ بات بھی قابلِ غور ہے کہ موجودہ منتخب بلدیاتی نمائندے اپنے استحقاق کے مطابق صوبائی حکومتِ سندھ سے فنڈز اور اختیارات لینے سے ابھی تک محروم ہیں لیکن اس کے باوجود کیونکہ عوام کی خدمت کے لئے آئے ہیں اس لئے اپنے بساط بھر جو کچھ بھی ممکن ہورہا ہے عوام کی بہتری کے لئے کررہے ہیں۔ 100روزہ صفائی مہم بھی ایسے ہی جذبوں کی داستان ہے کہ جس کے تحت بلدیہ وسطی کو برسوں سے جمع شدہ کوڑ ے کرکٹ اور گند گی سے 100روز کے اندر پاک کردیاجائے گا۔



19th Dec 2016 DMC Central Karachi News & Picture Visit UC 45

17th Dec 2016 DMC Central Karachi News & Picture First Aid Rescue Team Award by Dr. Farooq Sattar


بلدیہ وسطی میں تربیت یافتہ کارکنوں کو اسناد کی تقسیم ، ڈاکٹر فاروق ستار مہمانِ خصوصی 



ہنگامی حالات میں عوام کی مدد کے لئے کارکنوں کی تربیت قابلِ تحسین اقدام ہے : فاروق ستّار 




انسانوں کو بچانے کا عمل بہترین عمل ہے میں بھی اسکا حصہ بننا چاہتا ہوں ۔انصار برنی 




بلدیہ وسطی میں ہنگامی حالات سے نمٹنے کے لئے الگ شعبہ کا قیام وقت کی اہم ضرورت تھی: ریحان ہاشمی 




مورخہ : ۱۷؍دسمبر ۲۰۱۶ء ؁ 




کراچی ( ) متحدہ قومی موومنٹ (پاکستان ) کے سربراہ و ممبر قومی اسمبلی ڈاکٹر فاروق ستّار نے کہا ہے کہ بلدیہ وسطی کی جانب سے ہنگامی حالات میں عوام کی مدد کے لئے کارکنوں کی تربیت ایک قابلِ تحسین عمل ہے ۔ انہوں نے کہاکہ اگر ہمارے ادارے اپنی اپنی بساط کے مطابق ہنگامی حالات سے نمٹنے کے انتظامات اور کارکنان تیار کریں تو کسی بھی حادثہ کی صورت میں خراب صورتِ حال پیدا نہ ہو۔ وہ ضلع وسطی کی جانب سے ہنگامی طبی امداد / ریسکیوکی تربیت حاصل کرنے والے ملازمین کی تقریب تقسیمِ اسناد میں بہ حیثیت مہمانِ خصوصی حاضرین سے خطاب کررہے تھے۔ڈ اکٹر فاروق ستار نے کہا کہ کراچی کو اسکی اصل شکل میں لانے کے لئے کراچی کے منتخب نمائندوں کو نہ صرف آئین کے مطابق انکے جائز اختیارات دئیے جائیں بلکہ شہری زندگی کو سہولیات بہم پہنچانے والے ادارے واٹر اینڈ سیوریج بورڈ، لوکل ٹیکس ، سولڈ ویسٹ مینجمنٹ اور ایس بی سی اے کو بلدیاتی نمائندوں کے اختیار میں دیا جائے۔ انہوں نے مزید کہا کہ مردم شماری جلد سے جلد اور صحیح طریقے پر کرائے جائے۔ ایسا نہ ہوکہ اپنی مرضی کے مطابق کسی علاقے کی آبادی 
زیادہ اور کہیں پر کم دکھادی جائے۔ 


۔ انہوں نے عوام سے 100روزہ صفائی مہم میں تعاون کی اپیل کی تاکہ شفاف شہر شفاف اور باشعور شہریوں کی پہچان نظر آئے اس موقع پر انہوں نے بلدیاتی نمائندوں کو خاص ہدایت کی کہ وسائل کی کمی کے باوجود کچرے کے ڈھیروں کا صفایا کرنے کے لئے تمام ممکنہ اقدام کئے جائیں ڈاکٹر فاروق ستار نے کہا کہ کہ اگر صفائی ستھرائی نہ ہوئی تو اس شہر میں وبائی امراض پھیلنے کا خطرہ ہے جو کسی بھی آفت سے کم نہیں ہے اس موقع پر چیئرمین ضلع وسطی ریحان ہاشمی، وائس چئیرمین سید شاکر علی ،انصار برنی ٹرسٹ کے روح رواں انصار برنی ، ڈپٹی کمشنر سینٹرل کیپٹن (ر) فرید الدین ، میونسپل کمشنر محمد وسیم سومرو، منتخب بلدیاتی نمائندے پاکستان ریڈ کریسنٹ سوسائٹی کے نمائندے اور بلدیاتی افسران بھی موجود تھے ۔ سماجی کارکن انصار برنی نے کہا کہ بلدیہ وسطی نے انسانوں کو بچانے کے لئے جو شعبہ قائم کیا ہے وہ ایک بڑا عمل ہے میری خواہش ہے کہ میں اس تنظیم کا حصہ بنو ں اس موقع پر چیئرمین ضلع وسطی ریحان ہاشمی نے استقبالیہ خطاب میں بتایاکہ ضلع وسطی میں ہنگامی حالات اور حادثات کے موقع پر عوام کو فوری امداد پہنچانے کے لئے ایک خصوصی شعبہ کا قیام وقت کی ا ہم ضرورت تھی جس کے پیشِ نظر ڈزاسٹر ینیجمنت کا شعبہ قائم کردیا گیاہے جس میں 200تربیت یافتہ چاق و چوبند کارکنان دن رات خدمات کے لئے ہمہ وقت تیار رہیں گے۔ مذکورہ ہنگامی امداد کے شعبے دفاتر ضلع وسطی کے چار وں زون(سابقہ ٹاؤنز) میں قائم کردئے گئے ہیں۔ یہ تربیت یافتہ کارکنان نہ صرف ضلع وسطی بلکہ کراچی کے کسی بھی علاقے میں ہنگامی یا حادثاتی حالات میں امداد کے لئے برق رفتاری سے پہنچ سکیں گے۔ انہوں نے پاکستان ہلالِ احمر سوسائٹی کی انتظامیہ کا شکریہ اداکیا کہ جن کے تعاون سے یہ تربیتی پروگرام اپنی تکمیل کو پہنچے گا ۔۔ تقریب ضلع وسطی کے 80کارکنوں کے اعزازمیں منعقد کی گئی کہ جنہوں نے پاکستان ہلالِ احمر کے ماہرین کی زیرِنگرانی ابتدائی طبی امداد بہم پہچانے اور ہنگامی حالات سے نمٹنے اور عوام کو حادثات کے دوران امداد بہم پہچانے کی تربیت مکمل کی۔ تقریب کے آ خر میں وائس چیئرمین بلدیہ وسطی سید شاکر علی نے مہمانان گرامی اورمیڈیا کے نمائندگان کی 
آمد پر شکریہ ادا کیا ۔

17th Dec 2016 DMC Central Karachi News & Picture First Aid Rescue Team Award by Dr. Farooq Sattar

15th Dec 2016 DMC Central Karachi News & Picture Visit UC 12


بلدیہ وسطی ، 100روزہ صفائی مہم کا پندرھواں روز

منتخب یوسیز میں صفائی مہم کے اثرات ، علاقوں کی صورتِ حال بہتر ی کی جانب گامزن

یوسی12 ؍نیوکراچی میں پارکوں ، کھیل کے میدانوں کی صفائی فٹ پاتھوں پر رنگ و روغن کیاگیا

بلدیہ وسطی کو شفاف ضلع بناکر دم لیں گے ، چیئر مین ، وائس چیئرمین اور کارکنوں کا عزم 

مورخہ15 / دسمبر 2016ء ؁

کراچی ( ) بلدیہ وسطی میں 100 صفائی مہم میں منتخب یونین کمیٹیوں میں عوام کو بہتر سے بہتر بلدیاتی سہولیات کی فراہمی کو ممکن بنانے کے ساتھ ساتھ صاف و شفاف اور صحت مند ماحول کی فراہمی کے لئے کھیل کے میدان اور پارکس پر بھی خصوصی توجہ دی جارہی ہے ان خیالات کا اظہار انہوں نے وائس چیئرمین سید شاکر علی کے ہمراہ نیو کرای یونین کمیٹی نمبر 12 میں صفائی ستھرائی ،پیچ ورک اور فٹ پاتھ پر رنگ و روغن کے کام کا معائنہ کرتے ہوئے کیا ۔واضح رہے کہ بلدیہ وسطی میں مئیرکراچی وسیم اختر کی ہدایت پر جاری 100روزہ صفائی مہم اپنے پندرھویں روز پر بھی پورے عزم اور حوصلے کے ساتھ جاری ہے۔ منتخب یوسیز میں صفائی مہم کے اثرات نظر آنے لگے، علاقوں کی صورتِ حال بہتری کی جانب گامزن نظرآرہی ہے۔ چیئرمین بلدیہ وسطی ریحان ہاشمی ، وائس چیئرمین سید شاکرعلی و دیگر بلدیاتی نمائندوں کا عزم جواں ہے کہ بلدیہ وسطی کو شفاف ضلع بناکر دم لیں گے۔ پندرھویں دن یوسی12؍ نیوکراچی سے سینکڑوں ٹن کچرا رہائشی علاقوں سے ڈمپنگ پوائنٹ پر منتقل کیا گیا۔ کھیل کے میدانوں اور پارکوں کی صفائی کے علاوہ سڑکوں پر پیچ ورک کے ساتھ فُٹ پاتھ پر رنگ و روغن کیاگیا۔ یوسی چیئرمین حنیف سورتی اپنے زیر عمل علاقے کو بہتر اور صاف تر بنانے کے لئے دن رات محنت کررہے ہیں ۔ واضح رہے کہ100روزہ صفائی مہم سے عوام کے ذہن پر بہتر تاثرات پڑرہے اور اب خود عوام بھی بلدیاتی نمائندوں کی جانب تعاون کا ہاتھ بڑھاتے نظر آرہے ہیں ۔ا س سلسلے میں چیئرمین ریحان ہاشمی نے عوام سے اپیل کی ہے کہ جو جس ضلع میں رہتے ہیں اُسے خوبصورت اور صاف ستھرا بنانے کے لئے بلدیہ وسطی کے ساتھ تعاون کریں اور اپنے علاقے کو اپنا سمجھ کر حوصلہ افزائی کا ہاتھ بڑھائیں۔



14th Dec 2016 DMC Central Karachi News & Picture Visit UC 45




بلدیہ وسطی میں 100روزہ صفائی مہم کا چودھواں روز 

چیئرمین ریحان ہاشمی اور وائس چیئرمین سید شاکر علی سرگرمِ عمل

یونین کمیٹی نمبر 45 میں صفائی ستھرائی کے کام کا معائنہ،صفائی کے معیار مزید بہتر کیا جائے 

بلڈرز اپنے بلڈنگ میٹریل ویسٹ کو فوری ٹھکانے لگائیں ورنہ قانونی کاروائی عمل میں لائی جائیگی ۔

مورخہ :14؍ دسمبر 2016ء ؁

کراچی ( ) بلدیہ وسطی میں 100روزہ صفائی مہم کے چودھویں روز بھی صفائی کا عمل زور و شور سے جاری رہی۔ چیئرمین ریحان ہاشمی اور وائس چیئرمین سید شاکر علی نے یوسی چیئرمین ارتضی فاروقی کے ہمراہ یونین کمیٹی نمبر 45 ناظم آباد نمبر2 کے مختلف علاقوں کا دورہ کیا اور صفائی مہم کے اثرات اوربلدیاتی عملے کی کارکردگی کامعائنہ کیا۔ انہوں نے اپنی نگرانی میں یو سی45 ناظم آباد فاروق گراؤنڈ کے اطراف اور اندرونی گلیوں سے جمع شدہ کوڑا کرکٹ اٹھوایا گیا۔ گراؤنڈ کے اطراف میں قائم ناجائز تجاوزات اور بلڈنگ میٹریل کے اجتماع پر برہمی کا اظہار کرتے ہوئے چیئرمین ریحان ہاشمی نے کہا کہ عوامی بہبود اور تفریح کے مقامات پر لینڈ مافیہ کا قبضہ اور تجاوازات قائم کرنے کا عمل شہر اور شہری زندگی کو بدصورت بنانے کی کوشش ہے جس کو کسی صورت برداشت نہیں کیا جائیگا۔ انہوں نے اینٹی انکروچمنٹ ڈپارٹمنٹ کو ہدایت کی کے مذکورہ گراؤنڈ کے اطراف میں قائم تمام ناجائز تجاوزات کو بلاتاخیر منہدم کردیا جائے۔سینٹری ڈپارٹمنٹ کو ہدایت کی کہ گراؤنڈ کے اندرونی حصے میں کوڑاکرکٹ ڈالنے کی روایت ختم کی جائے اور صفائی ستھرائی کرکے کھیلنے کے قابل بنایا جائے تاکہ نوجوان نسل شام کے وقت کھیلنے کے مواقوں اور سہولیات سے فائدہ اُٹھا سکے۔ وائس چیئرمین سید شاکر علی نے بلدیہ وسطی کے کارکنوں کی انتھک محنت پر انہیں خراج تحسین پیش کرتے ہوئے کہا کہ ہمارے ورکرز وسائل کی عدم دستیابی کے باوجود تندہی سے ہر کام سرانجام دے رہے ہیں۔بعدا زاں چیئرمین ریحان ہاشمی نے اپنے دفتر میں حسین آباد اور دیگر یوسیز سے آئے ہوئے چیئرمین اور وائس چیئرمینوں سے ملاقات میں اُن کو ہدایت کی کہ 100 روزہ صفائی مہم ہر حال میں کامیاب بنائی جائے جبکہ ہر یوسی میں قائم ناجائز تجاوزات کے خلاف سختی سے آپریشن کرنے کی ہدایت کی ۔مزید بر آں ہدایت کی کہ اپنے اپنے علاقے میں دستیاب وسائل کواستعمال کرتے ہوئے ضرورت کے مطابق بہتر ین حکمتِ عملی اختیار کی جائے تاکہ بلدیہ وسطی کو شفاف ضلع کی حیثیت سے پہچانا جاسکے۔ 



14th Dec 2016 DMC Central Karachi News & Picture Visit UC 45 

13th Dec 2016 DMC Central Karachi News & Picture 12 Rabbiluawal Juloos


بلدیہ وسطی میں جشن عید میلاد النبی ﷺ شایان شان طریقے سے منایا گیا ۔

یو م ولادت رحمت اللعالمین حضرت محمد ﷺ عالم اسلام کو اتحا د و یکجہتی کا سبق دیتی ہے۔ریحان ہاشمی

چیئرمین بلدیہ وسطی ریحان ہاشمی اور وائس چیئرمین سید شاکر علی کی مرکزی جلوسوں میں شرکت 

13 / دسمبر 2016 ء ؁

کراچی( ) چیئرمین بلدیہ وسطی ریحان ہاشمی نے کہا ہے کہ یو م ولادت رحمت اللعالمین حضرت محمد ﷺ عالم اسلام کو اتحا د و یکجہتی کا سبق دیتی ہے،متحدہ قومی مومنٹ( پاکستان) تمام مسلمانوں کے تمام مکاتب فکر کے درمیان محبت اور بھائی چارہ کی فضاء برقرار رکھنے کے لئے اپنا بھرپر کردار ادا کر رہی ہے ان خیالات کا اظہار انہوں نے وائس چیئرمین سید شاکر علی کے ہمراہ ضلع وسطی کی جانب لگائے جانے والے چاروں زون کا دورہ کیا اور وہاں جلوس کے شرکاء کو دی جانے والی سہولتوں کا جائزہ لیتے ہوئے کیا اس موقع پر حق پرست ارکان اسمبلی عظیم فاروقی، جمال احمد،حاجی انور رضا ، منتخب یوسی چیئرمین و وائس چیئرمین اور یوسی پینل بھی موجود تھا چیئرمین بلدیہ وسطی نے لیاقت آباد سے نکلنے مرکزی جلوس میں شرکت کی اس موقع پر علماء و مشائخ سے بات کرتے ہوئے کہا کہ جشن عید میلاد النبی کو شایان شان منانے کے لیئے صفائی ستھرائی اور روشنی کے انتظامات کو ترجیح حاصل ہے اس موقع پر انہوں نے جلوس کی انتظامیہ سے انکے مسائل کے حوالے سے گفتگو کی جس پر انتظامیہ نے اپنے اطمینان کااظہار کیا ۔واضح رہے کہ بلدیہ وسطی میں جشن عید میلاد النبی ﷺ انتہائی مذہبی احترام اور جوش و جذببے کے تحت منایا گیا مختلف علاقوں میں محافلِ میلاد اور جلوس نکالے گئے ، یوں تو یکم ربیع الاوّل سے ہی ضلع وسطی کی مختلف یونین کمیٹیوں میں مساجد اور دیگر عوامی اجتماعات کے مراکز پر محافلِ میلاد منعقد ہوتی رہیں تاہم ۱۲؍ربیع الاوّل کوضلع وسطی میں تقریباً بیس جلوس نکالے گئے جن کی قیادت علماء و مشائخین کر رہے تھے جبکہ چیئرمین بلدیہ وسطی ریحان ہاشمی سائس چیئرمین سید شاکر علی نے بھی مرکزی جلوسوں میں شرکت کی اور جلوس میں موجود علماء و مشائخ کو پھولوں کے ہار پہنائے اور شرکاء کے ہمراہ جلوس کے ساتھ چلتے رہے جلوس میں نعت خواں حضرات تمام راستے نعت خوانی منقبت اور حمد خوش الحانی کے ساتھ پڑھتے رہے جلوس میں ہزاروں کی تعداد میں فرزندانِ اسلام نے شرکت کی،جلوس کے شرکاء تمام راستے رسولِ اکرم محمد مصطفےٰ کی شان میں خیر مقدمی نعرے لگاتے رہے اورعلماء ختمی مرتبت حضرت محمد مصطفے ٰ ﷺ کی شان اور کردار کی عظمت بیان کرتے رہے۔اس موقع چیئرمین ریحان ہاشمی جماعت اسلامی اور سیلانی ویلفیئر کے کیمپ پر بھی گئے جبکہ انہوں نے حق پرست ارکان اسمبلی ،عظیم فاروقی ،جمال احمداور حاجی انور رضا نے بلدیہ وسطی کی جانب سے لگائے کیمپوں پر شربت اور لنگر بھی تقسیم کیا۔ بلدیہ وسطی کی جانب سے جلوس کی گزرگاہوں کے اطراف شربت اور پانی کی سبیلیں لگائی گئی تھی جبکہ کئی جگہ جلوس کے شرکاء پر خوشبو کا چھڑکاؤ بھی کیا گیا جلوس کی سیکورٹی کے سلسلے میں پولیس اور رینجرز کی نفری تعینات کی گئی تھی۔واضح رہے کہ گزشتہ شب ریحان ہاشمی ،سید شاکر علی نے بلدیاتی افسران کے ہمراہ تمام یونین کمیٹیوں کا ہنگامی دورہ کرکے صفائی ستھرائی اور روشنی کے انتظامات کو تکمیل تک پہنچایا اور جلوس کے منتظمین سے ملاقات کرکے انلکی ضروریات کے بارے میں معلومات حاصل کی اس موقع پر جلوس کے منتظمین نے چیئرمین و وائس چیئرمین اور انکی ٹیم کو بہترین انتظامات کرنے پر مبارکباد پیش کیں۔




11th Dec 2016 DMC Central Karachi News & Picture Inter School Naat Competition




جشن عید میلاد االنبی کا تسلسل ، بلدیہ وسطی میں مقابلہ نعت خوانی کا انعقاد

طلباء و طالبات نے خوش الحانی سے نعت خوانی کر کے محفل میں سماں باندھ دیا

مسلمان بچوں میں نعت خوانی کا جذبہ جگانہ دین کی خدمت ہے۔وسیم اختر

دنیاوی تعلیم کے ساتھ دینی تعلیمات نئی نسل کے کردار کی بہتر تعمیر کا ذریعہ ہے ۔ریحان ہاشمی

مورخہ ۱۱دسمبر 2016

کراچی ( ) میئر کراچی وسیم اختر نے کہا کہ مسلمان بچوں میں نعت خوانی کا جذبہ جگانہ بھی دین کی خدمت ہے وہ بلدیہ وسطی کی مرکزی دفتر میں بلدیہ وسطی کی کمیٹی برائے امور نوجواناں (یوتھ افئیر کمیٹی) کے زیر اہتمام جشن عید میلاد النبی کے سلسلے میں ایک بین المدارس مقابلہ نعت خوانی کے مو قع پرحاضرین سے گفتگو کر رہے تھے انہوں نے مزید کہا کہ اس قسم کی دینی محفلوں کا انعقاد بلدیہ وسطی کے لئے خراج تحسین کا تقاضہ کرتا ہے جبکہ امن قائم کرنے کا بہترین ذریعہ ہے انہوں نے بلدیہ وسطی کے
چئیر مین ریحان ہاشمی،وائس چئیرمین سید شاکر علی اور انکی پوری ٹیم کو جشن عید میلاد النبی ﷺکے مو قع پر ایک خوبصورت محفل سجانے پر مبارکباد پیش کی اس موقع پرارکان سندھ اسمبلی عظیم فاروقی،جمال احمد،حاجی انور رضا، میونسپل کمشنر وسیم سومرو، ،منتخب بلدیاتی یوسی چیئرمیز ،وائس چئیرمینز ،خواتین کونسلرز،یوتھ کونسلرز،یوتھ پارلیمنٹ کے چئیرمین رضوان جعفر،فوکل پرسن ناصر زیدی،رکن یوتھ پارلیمنٹ خواجہ بلال،منور حمید ،فہد نسیم،عمران خالق،روجلہ شیرگل ،طلحہ انور،پاکستان کے مشہورومعروف نعت خواں حافظ کلیم،شارق احمد،نورفاطمہ عارف عظیمی،راؤ ناصر جہانگیر ، مقابلہ نعت خوانی میں بڑی تعداد میں طلباء طالبات اور اساتذہ نے خصوصی شرکت کی، جبکہ چئیرمین بلدیہ وسطی ریحان ہاشمی وائس چئیرمین سید شاکر علی اس محفل نعت خوانی کے میزبان خصوصی تھے ۔ جس میں بلدیہ وسطی سے تعلق رکھنے والے سرکاری و نجی اسکولوں کے 55طلباء وطالبات نے شرکت کی، جن میں 24 طلباء اور 31طالبات تھی۔ اور نئی نسل کے نعت خوانوں کو انکی خوش الحانی پر بھر پو ر داد دی، نوجوان نعت خواں طلباء طالبات نے خوش الحانی سے نعت پڑھ کر محفل میں سماں باندھ دیا۔ طالب علم نہال احمد نے بہترین نعت خواں کا اعزاز حاصل کیا، جبکہ طالبہ ام الوریٰ نے دوسری اور عبد الرحمٰن نے تیسری پوزیشن حاصل کی اس موقع پر چئیرمین بلدیہ وسطی ریحان ہاشمی نے حاضرین سے خطاب کرتے ہوئے کہا کہ نئی نسل کو دنیاوی تعلیم کے ساتھ دینی تعلیمات سے روشناس کروانا انتہائی ضروری ہے، دینی تعلیم نہ صرف انہیں اپنے دین سے قریب کرتی ہے، بلکہ انکے کردار کی بہتر تعمیر کا زریعہ بھی ہے، انہوں نے کہا نعت خوانی ایک ایسا عمل ہے جو انسان کو اللہ تعالیٰ کے کام میں شریک کر دیتا ہے، اور وہ ہے حضور ﷺ سے محبت۔ کیونکہ اللہ بھی ہمارے پیارے رسول ﷺ سے محبت کرتے ہیں ، تو جو مسلمان نعت خوانی کرتے ہیں وہ اللہ کے محبوب سے محبت کا اظہار کرتے ہیں ، جس کا اجر بے حساب ہے، تقریب کے اختتام پر بلدیہ وسطی یوتھ افیئر کمیٹی کے ارکان نے حاضرین کا شکریہ داد کیا بعد ازاں مئیر کراچی وسیم اختر ، چئیرمین بلدیہ وسطی ریحان ہاشمی کے ہمراہ بہترین نعت خوانوں میں انعامات اور منتظمین کو شیلڈ سے نوازا۔

11th Dec 2016 DMC Central Karachi News & Picture Inter School Naat Competition

9th Dec 2016 DMC Central Karachi News & Picture Meeting with Officers



DISTRICT  MUNICIPAL CORPORATION, KARACHI (CERNTRAL)

                                                                        PRESS RELEASE
ELECTED MEMBERS TO CONTINUE PUBLIC WELFARE WORKS: IZHAR UL HASAN
MUNICIPAL SERVICES WOULD BE DELIVERED AT THE DOORSTEP OF COMMON PEOPLE
THERE IS NO PLACE FOR LAZY AND WORK SHIRKER IN PUBLIC WELFARE DEPARTMENTs      

Dated: 09-12-2016
KARACHI  (     ) Haq parast MPAs Khwaja Izharul Hasan and Faisal Sabzwari, with the Chairman DMC Central Rehan Hashmi and Vice Chairman Syed Shakir Ali, addressing the Municipal officers at DMC Central Liaquatabad,  have said that elected members of Local Government will, continue their services to the humanity and society despite scarcity of resources. They also said that there is no need of the lazy and work shirker in public service organizations. 
There those who do not wish to work must leave the job by themselves otherwise serious departmental disciplinary action would be taken against them irrespective of their grades and posts. Haq Parast MPAs also asked the DMC Chairman to hire daily wages labor to meet the shortage of manpower.  They also advised to allow overtime to the devoted and sincere workers so as to acknowledge their work. Speaking at the moment, Chairman DMC Central Rehan Hashmi assured the MPAs that he had been working with great devotion even facing the shortage of resources, vehicles and man power. He also paid thanks to the Haq Parast MPAs for their guidance and support that they used to give time to time.
Regards
Alamgeer Saifee
(Information officer)




                              منتخب عوامی نمائندے ہر حال میں عوام کی خدمت جاری رکھیں گے: خواجہ اظہار الحسن 

                          وسائل ہوں، نہ ہوں بلدیاتی خدمات عوام کی دیلیز پر مہیا کی جاتی رہیں گی: فیصل سبزواری

                      کام چور اور بے کارافراد کی کوئی جگہ نہیں بہتر ہوگا خود ہی گھر چلے جائیں: ارکانِ صوبائی اسمبلی کی تنبیہ  

مورخہ  09 /   دسمبر  2016ء؁

کراچی (  )  حق پرست ارکانِ صوبائی اسمبلی خواجہ اظہار الحسن اور فیصل سبزواری نے بلدیہ وسطی کے چیئرمین ریحان ہاشمی اور وائس چیئرمین سید شاکر علی کے ہمراہ خصوصی اجلاس میں بلدیہ وسطی کے افسران سے خطاب کرتے ہوئے کہا کہ منتخب عوامی نمائندے ہر حال میں عوام کی خدمت جاری رکھیں گے، وسائل ہوں نہ ہوبلدیاتی خدمات عوام کی دہلیز پر مہیا کی جاتی رہیں گی۔ انہوں نے افسران کو خصوصی طور پر متنبہ کیا کہ عوامی خدمات کے اداروں میں کام چور اور بے کار افراد کی کوئی جگہ نہیں،ایسے افراد بہتر ہے کہ خود ہی گھر چلے جائیں وگرنہ محکمہ جاتی کارروائی بلاتفریقِ عہدہ و گریڈ کی جائے گی۔ انہوں نے مزید کہا حق پرست منتخب عوام نمائندے امید کی کِرن ہیں جو عوام کی خدمت سے سرشارہوکر تندہی سے کام کررہے ہیں۔ ہم نہیں چاہتے کہ کسی بھی کالی بھیڑ کی وجہ سے عوامی نمائندوں کی کارکردگی متاثر ہو۔تندہی اور دیانت داری سے کام کرنے والے ورکرز کے لئے اوورٹائم کی تجویز پیش کرتے ہوئے انہوں نے کہا کہ ان ہی کی بدولت ہماراسر فخر سے بلند ہے۔ سینی ٹیشن اور دیگر ڈپارٹمنٹ میں افرادی قوت کی کمی دور کرنے کے لئے ڈیلی ویجز پر افرادکو بھرتی کیاجائے۔ ارکانِ صوبائی اسمبلی نے کہاکہ بلدیہ وسطی کے وسائل کی کمی دورکرنے کے لئے اپنے ذرائع استعمال کرکے مشنری فراہم کرنے کی کوشش کریں جس کے بعد خدمات میں کسی قسم کی کوتاہی برداشت نہیں کی جائے گی۔  اس موقع پر ریحان ہاشمی نے ارکانِ صوبائی اسمبلی کا شکریہ اداکیاکہ وہ وقتاٍ فوقتاً ہدایت اور گائیڈ لائن دیتے رہتے ہیں تاکہ بلدیاتی خدمات کا تسلسل جاری رہے۔ بلدیہ وسطی کے افسران اور عملہ اپنی بساط کے مطابق انتہائی توجہ اور دیانت داری سے خدمات انجام دے رہاہے۔ جبکہ 100 روزہ صفائی مہم اپنے عروج پر ہے جس کی وجہ سے ضلع وسطی کی صورتِ حال بہتر نظر آرہی ہے۔ 
                               


8th Dec 2016 DMC Central Karachi News & Picture Visit UC 33



                           بلدیہ وسطی میں 100روزہ صفائی مہم کا آٹھواں روز

                چیئرمین ریحان ہاشمی اورو ائس چیئرمین سید شاکر علی بلدیہ وسطی سرگرمِ عمل 

                                    سنگم کرکٹ گراؤنڈ کی صفائی اور اطراف سے انکروچمنٹ کے انہدام کی ہدایت 

مورخہ 08 /  دسمبر  2016ء؁

کراچی (  ) بلدیہ وسطی میں 100روزہ صفائی مہم کے آٹھویں روز بھی صفائی کا عمل زور و شور سے جاری رہا۔ چیئرمین ریحان ہاشمی اور وائس چیئرمین سید شاکر علی نے مختلف یوسیز کا دورہ کیا اور صفائی مہم کے اثرات اوربلدیاتی عملے کی کارکردگی کامعائنہ کیا۔ یو سی 33/گلبرگ میں واقع سنگم کرکٹ گراؤنڈ کے اطراف اور اندر سے جمع شدہ کوڑا کرکٹ اٹھوایا گیا۔ کچرا کنڈی کی شکل اختیار کرنے والے کچرے کے ڈھیروں کو صاف کردیا گیا جبکہ گراؤنڈ کے اطراف میں قائم ناجائز تجاوزات پر برہمی کا اظہار کرتے ہوئے چیئرمین ریحان ہاشمی نے کہا کہ عوامی بہبود اور تفریح کے مقامات پر لینڈ مافیہ کا قبضہ اور تجاوازات قائم کرنے کا عمل شہر  اور شہری زندگی کو بدصورت بنانے کی کوشش ہے جس کو کسی صورت برداشت نہیں کیا جائیگا۔ انہوں نے اینٹی انکروچمنٹ ڈپارٹمنٹ کو ہدایت کی کے مذکورہ گراؤنڈ کے اطراف میں قائم تمام ناجائز تجاوزات کو بلاتاخیر منہدم کریا جائے۔سینی ٹیشن ڈپارٹمنٹ کو ہدایت کی کہ گراؤنڈ کے اندرونی حصے میں کوڑاکرکٹ ڈالنے کی روائت ختم کی جائے اور صفائی ستھرائی کرکے کھیلنے کے قابل بنایا جائے تاکہ نوجوان نسل شام کے وقت کھیلنے کے مواقوں اور سہولیات سے فائدہ اُٹھا سکے۔ اس موقع پر علاقہ مکینوں کی بڑی تعداد بشمول خواتین جمع ہوگئی اور صٖفائی ستھرائی اور ناجائز تجاوزات کے خاتمے کے لئے کی گئی چیئرمین بلدیہ وسطی اور وائس چیئرمین کی کاوشوں کو سراہا  عوام نے امید ظاہر کی کہ موجودہ بلدیاتی قیادت عوام کی خدمت کو اولین ترجیحات کے طور پر انجام دے گی۔حاضرین سے گفتگو کرتے ہوئے ریحان ہاشمی نے کہا کہ منتخب بلدیاتی نمائندے عوام کو سہولیات انکی دہلیز پر مہیاکرنے کے جذبے کے تحت میدانِ عمل میں آٗے ہیں۔  اس موقع پر  وائس چئیرمین سید شاکر علی نے بلدیہ وسطی کے کارکنوں کے انتھک محنت پر انہیں خراج تحسین پیش کرتے ہوئے کہا کہ ہمارے ورکرز وسائل کی عدم دستیابی کے باوجود تندہی سے ہر کام سرانجام دے رہے ہیں۔حابعدا زاں چیئرمین ریحان ہاشمی نے حسین آبا د یونین کمیٹی نمبر34/ میں یوسی چیئرمین،وائس چیئرمین اور یوسی پینل سے ملاقات میں اُن کو ہدایت کی کہ 100  صفائی مہم ہر حال میں کامیاب بنائی جائے جبکہ ہر یوسی میں قائم ناجائز تجاوزات کے خلاف سختی سے آپریشن کرنے کی ہدایت کی ہے۔ یوسی چیئرمین اپنے علاقے میں دستیاب وسائل کواستعمال کرتے ہوئے  ضرورت کے مطابق بہتر ین حکمتِ عملی اختیار کی جائے تاکہ بلدیہ وسطی کو شفاف ٹاؤن کی حیثیت سے پہچانا جائے۔ واضح رہے کہ 100روزہ صفائی مہم کی منتخب یونین کمیٹیوں سے 594 ٹن کچرا اٹھاکر لینڈ فل سائڈ پر ٹھکانے لگایا گیا۔ 




7th Dec 2016 DMC Central Karachi News & Picture VC Shakir Ali visit Liaqtbad #10


پریس ریلیز

         100روزہ صفائی مہم کا ساتواں روز، وائس چیئرمین بلدیہ وسطی سید شاکر علی انتہائی مصروف

                    لیاقت آباد، گلبہار،نارتھ ناظم آباد میں جشنِ عیدِمیلاد النبی ئ ﷺسے قبل صفائی کے انتظامات مکمل کرنے 
پر زور

مورخہ07  / دسمبر  2016؁ء


کراچی (  ) چیئرمین  بلدیہ وسطی ریحان ہاشمی وائس چیئرمین سید شاکر علی نے، جشنِ عیدِ میلادالنبی ئ کے سلسلے میں کئے جانے والے انتظامات اور صفائی ستھرائی کے کام کی رفتار اور بہتری کا جائزہ لینے کے لئے مختلف یوسیز کا ہنگامی دورہ کیا۔ انہوں نے لیاقت آبادعیدِ میلادالنبیؐ کمیٹی کے اراکین سے ملاقات کی اور جلوسوں کی گزرگاہوں اور اوقات کے بارے میں تفصیلی معلومات حاصل کی۔ جبکہ رضویہ سوسائٹی گلبہار سے 8/ ربیع الاوّل کو نکالے جانے والے عزاداری کے الوادعی جلوس کے راستوں پر صفائی کے انتظامات کوشام سے قبل مکمل کرنے کی ہدایت کی۔ نارتھ ناظم آباد میں ضیاالدین اسپتال سے مجاہد کالونی کے درمیان ناجائز تجاوزات کو فوری طور پر ختم کرنے کی ہدایات جاری کیں۔ جشنِ عیدِ میلادالنبیؐ عالمِ اسلام کے لئے عید کی حیثیت رکھتا ہے کہ جب حبیبِ کِبریا حضرت محمد مصطفے ﷺ اِس دارِ فانی میں بہ حیثیت رحمت اللعالمین اور خاتم النبی سے تشریف لائے ضلع وسطی میں بھی جشنِ ولاتِ رسول ﷺ مذہبی احترام اور دینی جذبہ کے تحت جوش و خروش کے ساتھ منایا جاتاہے۔چیئرمین بلدیہ وسطی ریحان ہاشمی نے جلوسِ ولادتِ ختم المرسلین ﷺ کے پُرامن انعقاد کے لئے افسران و کارکنان ڈی ایم سی سینٹرل کو خصوصی ہدایات جاری کی ہیں جس کے تحت جلوس کی گزر گاہوں اور میلاد کی محافل کے مقامات پر خصوصی صفائی اور رات کے وقت روشنی کا انتظام شامل ہے۔ دوسری جانب حق پرست مئیر کراچی وسیم اختر کی ہدایت پر جاری صدروزی صفائی مہم بھی اپنے عرو ج پر ہے اور تمام منتخب یو سیز میں صفائی کے انتظامات کو بہتر سے بہتر کیا جارہاہے اور دستیاب مشینریز اور ڈمپرز کے ذریعے سینکڑوں ٹن کچرا روزآنہ شہری آبادیوں سے ڈمپنگ پوائنٹ پر منتقل کیا جارہاہے۔صفائی مہم کے ساتویں روز یوسی 12, نیو کراچی میں رافے ڈیری فارم کے اطراف اور سیکٹر 11-Fسے19/ٹن کچرا اُٹھایاگیا۔ یوسی 42/ لیاقت آباد میں جھنڈاچوک، مامون حمید لین اور بلال مسجد کے اطراف صفائی کے انتظامات دُرُست کئے گئے۔ فیڈرل بی ایریا میں یوسی31/ سے 87/ٹن کچرا اُٹھایا گیا اوربلاک7/اور14/ میں صفائی انتظامات بہتر کئے گئے۔ یوسی 4/ نارتھ کراچی میں گُلِ لالہ پارک  اور سیکٹر الیون اے میں 87/ٹن کچرا اُٹھایا گیا۔ نارتھ ناظم آباد یوسی 18/سے8/ ٹن کچرا اُٹھایا گیا۔   


                                                                جاری کردہ:        عالمگیر سیفی 

انفارمیشن آفیسر(بلدیہ وسطی)
                                                           


6th Dec 2016 DMC Central Karachi News & Picture Visit FC Area



پریس ریلیز

                                              بلدیہ وسطی صد(100)روزہ صفائی مہم کاچھٹا روز

                             منتخب یوسیز میں زور شور سے صفائی مہم جاری، چیئرمین، وائس چیئرمین کی مسلسل نگرانی 

مورخہ  06 / دسمبر  2016ء؁

کراچی:   بلدیہ وسطی میں صدر وزہ صفائی مہم کے چھٹے  روز بھی پانچ منتخب یوسیز میں صفائی کا کام بھرپور طریقے سے جاری ہے، چیئرمین ریحان ہاشمی اور وائس چئیرمین سید شاکر علی نے کارکنوں کی کارکردگی کا جائزہ لینے کے لئے ہنگامی دورے کئے۔انہوں نے کارکنوں کو انکی انتھک محنت پر خراجِ تحسین پیش کرتے ہوئے کہا کہ اگرچہ ہمارے وسائل کم ہیں لیکن ہمارے کارکن انتہائی دیانت داری سے فرائض اداکررہے ہیں۔ تفصیلات کے مطابق حق پرست مئیرکراچی وسیم اختر کی ہدایت پر شروع کی جانے والی سو100روزہ صفائی مہم چھٹے روزمیں داخل ہوچکی ہے۔بلدیہ وسطی میں بھی منتخب کردہ پانچ یوسیز میں پہلے روز ہی سے صفائی مہم جاری ہے۔ اگرچہ بلدیہ وسطی کے دستیاب وسائل اتنے نہیں ہیں کہ جتنی ضرورت ہے جس کی وجہ سے بہت سے کاموں میں رکاوٹ پیداہوتی ہے تاہم شہری حکومت کے تعاون سے ڈمپرز اور لوڈرکی وقتاً فوقتاً فراہمی کوڑا کرکٹ اُٹھانے میں آسانی پیداکردیتی ہے۔ بہر حال چئیرمین ریحان ہاشمی اور وائس چیئرمین سید شاکر علی اپنے کارکنوں سے مربوط منصوبہ بندی کے تحت انکی انتہائی کارکردگی کے حصول کو ممکن بنارہے ہیں۔ گذشتہ چھ دِنوں میں پانچوں یوسیز سے 580 ٹن کچرا شہری حدود سے ڈمپنگ پوائنٹ پر منتقل کیا جاچکا ہے۔گلیوں محلوں، سڑکوں اور بازاروں کی صفائی جاری ہے۔ چھٹے روز یو سی21/نیوکراچی سے 506ٹن کچرااُٹھایا گیا جبکہ 2300، صبا ڈسٹ بن پوائنٹ اور 7000روڈ کی صفائی کی جاچکی ہے۔ یوسی 42لیاقت آباد ٹاؤن میں فرنیچر مارکیٹ، پیر اچھن لین، شاہد بیف لین اور یوسی چوراہے پر صفائی کے انتظامات بہتر کئے جاچکے ہیں۔ یوسی 21 فیڈرل بی ایریا میں بلاک سات اور 14سے کوڑاکرکٹ کاصفا کیا جا چکاہے۔ نیوکراچی یوسی 4  میں 5000روڈ، سیکٹر 11-Aاور 3100روڈ کی صفائی کی گئی۔ نارتھ ناظم آباد یوسی 18 میں جمع شدہ کئی سو ٹن کچرا اُٹھایا گیا۔ یوسی 46ناظم آباد و گلبہار میں رینجرز آفس، یو سی آفس، ایجوکیشن آفس،  سحر خان پارک اور کٹورے پارک کے اطراف سے کچرا اُٹھا یا گیا۔ اس کے علاوہ بی اینڈ آر ڈپارٹمنٹ کی جانب سے دیواروں، نالوں اور دیگر عوامی اجتماع کے مقامات سے وال چاکنگ کو مٹاکرچونا کرنے کا کام بھی تیزی کے ساتھ جاری ہے۔  

                                                      جاری کردہ:        عالمگیر سیفی 

                                    انفارمیشن آفیسر(بلدیہ وسطی)



5th Dec 2016 DMC Central Karachi News & Picture Inaugurate mobile uc office 21



DISTRICT  MUNICIPAL CORPORATION, KARACHI (CENTRAL)

                                                                        PRESS RELEASE
Dated: 05-12-2016
Haq Parast Opposition Leader Inaugurates Mobile DMC Office
Unlimited devotion cares not the hurdles: Khwaja Izhar Ul Hasan

Karachi (    ) Haq Parast Opposition Leader in Sindh Assembly Khwaja Izhar ul Hasan inaugurated a mobile DMC Office, at UC-21 North Nazimabad. The office was opened in the car of Chairman of UC 21 Naeemuddin.  We are compelled to do so because our UC Chairmen have no place to be used as office which should be noticed by the Minister of Local Government and he must take practical measures to remove the grievances of the Elected UC Chairmen and Councilors, Khwaja Izharul Hasan said. He further said that unlimited devotion to serve the people did not care any hurdles. MPA Faisal Sabzwari, Chairman DMC Central Rehan Hashmi, Vice Chairman Syed Shakir Ali and other elected UC chairmen and councilors belonging to DMC Central were also present there. Faisal Sazwari said that they were the real servants to the people and never gave importance to place decorative offices, we could serve nation even if were are standing o the road. Chairman DMC Central said that 100 days cleaning is in it’s full swing in selected UCs. Very soon the face of the DMC Central would appear as the brightest one.


Regards
Alamgeer Saifee
(Information officer)


ضلع وسطی میں عوامی خدمت کا انوکھا انداز 

بلدیاتی نمائندوں نے دفتر نہ ہونے کے باعث گاڑی میں دفتر قائم کرلیا 

موبائل دفتر کا افتتاح اپوزیشن لیڈر خواجہ اظہار الحسن اور رکن سندھ اسمبلی فیصل سبزواری نے کیا 

موبائل دفتر یوسی کے مختلف مقامات پر کھڑی کی جائے گی 

عوام اپنی شکایات موبائل دفتر میں درج کراسکیں گے 

مورخہ 05 / دسمبر 2016ء ؁


کراچی ( ) عوامی نمائندے دفتر ہونے نہ ہونے کے محتاج نہیں خدمت کرنے والے سڑک پر بھی کھڑے ہوکر عوام کی خدمت کر سکتے ہیں وسائل کی کمی اختیارات محدود ہونے کے باوجود عوام کی خدمت کے جذبے سے سرشار ہیں ان خیالات کا اظہار اپوزیشن لیڈرسندھ اسمبلی خواجہ اظہار نے رکن صوبائی اسمبلی فیصل سبزواری کے ہمراہ ضلع وسطی یونین کمیٹی نمبر21 نارتھ ناظم آباد میں عوامی رابطہ موبائل سروس آفس کا افتتاح کرتے ہوئے کیا اس موقع پر چیئرمین بلدیہ وسطی ریحان ہاشمی ،وائس چیئرمین سید شاکر علی،یوسی 21 کے چیئرمین نعیم الدین ،منتخب بلدیاتی نمائندوں کے ساتھ ساتھ عوام کی بڑی تعداد موجود تھی ،خواجہ اظہار الحسن نے مذید کہا کہ ہم نے تمام یوسیز چیئرمین کو ہدایت کی ہے کہ چاہے دفاتر ہو نہ ہو اسٹاف ہو نہ ہو عوام کی خدمت جاری رکھی جائے انہوں نے کہا کہ حکومت سندھ منتخب نمائندوں کے جذبوں کی قدر کرے انکی حوصلہ افزائی کرے وزیر بلدیات اس بات کا نوٹس لیں اور منتخب یوسی چیئرمین ،وائس چیئرمین کو دفاتر فراہم کریں حکومت زبانی خرچ کے بجائے عملی طور پر تعاون کرے انہوں نے کہا کہ دستیاب وسائل کے ساتھ پارٹی کی سطح پر ہم اپنے بلدیاتی نمائندوں کی بھرپور حوصلہ افزائی کرتے ہیں جبکہ عوام کی جانب سے منتخب نمائندوں کی پزیرائی قابل دید ہے ا نہوں نے کہا کہ ہم پورے کراچی میں کام کر رہے ہیں 100 روزہ صفائی مہم میں 15 سے 20 یونین کمیٹی کا انتخاب کیا ہے جسے ہم بہتر کرئینگے یہ 100 دن بار بار دہرائے جائینگے اس موقع پر رکن سندھ اسمبلی فیصل سبزرای نے کہا کہ اختیار بھی نہیں ہیں وسائل بھی محدود ہیں لیکن ہمارا جذبہ لامحدود ہے منتخب نمائندوں کو اختیار دیا جائے تاکہ عوام کو بنیادی سہولتوں کی فراہمی کو ممکن بنایا جائے انہوں نے کہا کہ کراچی کو اپنائیں کراچی کو اون کرنے کی ضرورت ہے انہوں نے مزید کہا کہ وسائل اور دفاتر ان لوگوں کی مجبوری ہے جو اپنی شان دکھانا چاہتے ہیں '' ہم خاک نشیں ہیں کیا جانے موسم کی سردی گرمی کو'' عوام کی خدمت کے لئے نکلے ہیں تو وسائل کے محتاج نہیں عوام کی خدمت ہماری طاقت ثابت ھوگی واضح رہے کہ کراچی کے بیشتر بلدیاتی نمائندے دفاتر سے محروم ہیں اور عوام کو مشکلات کا سامنا ہے آج یونین کمیٹی نمبر21 کے چیئرمین نعیم الدین نے عوام کو بلدیاتی مسائل کے حوالے سے شکایات درج کرنے اور عوام سے رابطہ بحال رکھنے کے لئے اپنی کار میں موبائل یوسی آفس قائم کردیا جو پاکستان میں عوامی خدمت کا ایک نیا انداز ہے۔۔




4th Dec 2016 DMC Central Karachi News & Picture #Mayor Karachi Waseem Akhtar


جشنِ عیدمیلادالنبی ﷺ پر ضلع وسطی کو شفاف بنانے کے لئے ہر ممکن اقدام کیا جائے : وسیم اختر

تین دن میں تمام مساجد ،امام بارگاہوں ، اور جلوس کی گزرگاہوں کو صاف شفاف بنادیاجائے گا: ریحان ہاشمی

مورخہ: 4؍دسمبر2016ء ؁

کراچی ( )مئیر کراچی وسیم اختر چیئرمین بلدیہ وسطی ریحان ہاشمی،وائس چیئرمین سید شاکر علی کے ہمراہ صد(100)ر وزہ صفائی مہم کی پروگریس اور اثرات کا مطالعہ کرنے کے لئے ضلع وسطی یونین کمیٹی نمبر18 نارتھ ناظم آباد .کا دورہ کیا اور جاری صفائی ستھرائی کے کام کا معائنہ بھی کیا ۔اس موقع پر رابطہ کمیٹی ایم کیو ایم (پاکستان)و رکن صوبائی اسمبلی محفوط یار خان،ارکان اسمبلی عظیم فاروقی،انور رضا،جمال احمد،میونسپل کمشنر محمد وسیم سومرو ،بلدیاتی افسران و کارکنان بھی موجود تھے ۔وسیم اختر نے مزید کہا کہ موجودہ وسائل میں رہتے ہوئے 100 روزہ صفائی مہم میں عوام کو بہتر سے بہتر بلدیاتی سہولتوں کی فراہمی کو ممکن بنانے کے لئے ہر ممکن اقدام کر رہے ہیں میئر کراچی نے کہا کہ کراچی کو اسکی اصل شکل میں لانے کے لئے بلدیات اور عوامی خدمات سے متعلق ذمہ دار اداروں ،کمشنر کراچی اور ڈپٹی کمشنرز حضرات سے بھی رابطے میں ہیں۔ان باہمی رابطوں کے نتائج سے عوام آئندہ چند روز میںآگاہ کردیا جائیگا ۔انکروچمنٹ کے حوالے سے کہا وسیم اختر نے کہ کراچی کو تجاوزات سے پاک کرنے کے لئے مناسب حکمت عملی تیار کی جارہی ہے، جبکہ بے ہنگم طریقے سے لٹکنے والے بجلی کے تاروں نے کراچی کا چہرہ بگاڑ دیا ہے ہر جگہ تاروں کا جنگل نظر آتا ہے،سڑکوں اورگرین بیلٹس پر تار لٹک رہے ہیں جو نہ صرف عوام کی جان کے لئے خطرہ ہیں بلکہ شہر کی خوبصورتی کو بدصورتی میں تبدیل کررہے ہیں۔ میئر کراچی وسیم اختر نے، 12 ربیع الاول جشن عید میلاد النبی ﷺکے حوالے سے کہا کہ ماضی میں انتظامات میں جو کمی محسوس کی گئی اس سال اُن کا ازالہ کیا جائے اورجشن عید میلاد النبی ﷺکے موقع پرتمام مساجد و امام بارگاہوں کے اطراف ،محافل میلاد کی جگہوں اور جلوس کی گزرگاہوں کے اطراف خصوصی صفائی ستھرائی کے کام کی ہدایت کی۔ اس موقع پر انہوں نے دُکانداروں سے بھی ملاقات کی اور 100 روزہ صفائی مہم میں شرکت کی دعوت دی میئر کراچی نے کہا کہ اگر تمام دُکاندار اپنا کوڑا کرکٹ اپنے ڈسٹ بن میں یا مقرر کردہ جگہوں پر ڈالیں تو ہم اپنے علاقے کو صاف ستھرا رکھ سکتے ہیں موقع پر موجود دُکانداروں نے اپنے تعاون کا یقین دلایا۔ میئر کراچی وسیم اختر نے کہا کہ حق پرست اراکین اسمبلی اپنے عوام کے مسائل اور تکلیف کو دیگر افراد کے مقابلے میں بہتر طور پر جانتے ہیں۔اگر حکومت سندھ تعاون کرے اور ہمارے اختیارات بحال کردیں تو بہت جلد کراچی ایک مرتبہ پھر روشنیوں کا شہر کہلانے لگے گا۔انہوں ے جشنِ ولادتِ رسول ﷺ کے سلسلے میں کئے جانے والے صفائی اور روشنی کے انتظامات کے بارے میں چیئرمیں ریحان ہاشمی سے تفصیلات حاصل کیں۔ ریحان ہاشمی نے مئیر کوبتایا کہ باوجود وسائل کی کمی کے تین یوم کے اندر تمام مساجد و امام بارگاہوں کے اطراف ،جلوس کی گزرگاہوں پر صفائی ستھرائی کے ساتھ ساتھ روشنی کے انتظامات مکمل کر لئے جائیں گے ریحان ہاشمی نے کہا بلدیہ وسطی کے مسائل کے مقابلے میں وسائل کی دستیابی ضرورت سے کم اور ناقص ہے اس کے باوجود ضلع وسطی کے منتخب نمائندے،بلدیاتی افسران و کارکنان لامحدود عزم اور حوصلے کا مظاہرہ کرتے ہوئے ہر مسئلے کو ممکنہ حد تک حل کرنے کی کوشش کرتے ہیں۔ مئیر کراچی نے کراچی واٹر اینڈ سیوریج بورڈ کی ناقص کارکردگی کی وجہ سے جگہ جگہ سیوریج کے پانی کے اجتماع پر برہمی کا اظہار کرتے ہوئے ایم ڈی واٹر بورڈ سے مطالبہ کیاکہ وہ فوراً ہنگامی بنیادوں پر سیوریج لائنوں کی مرمت او ر ناقابلِ مرمت لائنوں کو فوری طورپر تبدیل کروائیں ،



2nd Dec 2016 DMC Central Karachi News & Picture #Karachi100daysplan


                                                                        PRESS RELEASE

Dated: 02-12-2016

100 days cleaning movement’ continues in 5 UCs of Distt. Central
Schools and Dispensaries to be rehabilitated on priority basis  

Karachi (    )  Hundred days cleaning movement, as per the instructions of the Mayor of Karachi, Waseem Akhtar, is continue in 5 Union Councils of District Central Karachi. Rehabilitation of schools and dispensaries are being given priority. Hundreds of tons of garbage has been removed during 2 days from UC No: 4, 12 of New Karachi, UC No:18 North Nazimabad, UC No: 31 F.B.Area and UC No: 42 of Liaquatabd. . Chairman DMC Central Rehan Hashmi and Vice Chairman Syed Shakir Ali, both are closely monitoring the work of their sanitary staff who are devotedly working day and night to make 100 days cleaning movement a success. In UC 45 Liaquatabad, rehabilitation work of dispensary has been started. Chairman Rehan Hashmi visited the dispensary, met the doctors and paramedical staff to get acquainted with the problems being faced by them in respect of medicines and other required medical accessories. However, it is understood that problems of the Distt. Central are unlimited whereas the resources to solve them are limited, even than the administration is trying its best to manage its work with applicable planning.
Regards
Alamgeer Saifee
(Information officer)


بلدیہ وسطی کی پانچ یونین کونسلوں میں صدروزہ صٖفائی مہم زور شور سے جاری

سینکڑوں سینٹری ورکرز اوردستیاب مشینری کے ذریعے ہزاروں ٹن کچرا ٹھکانے لگا دیا گیا

چئیرمین اور وائس چئیرمین بہ نفسِ نفیس صفائی مہم کی نگرانی کررہے ہیں، کارکنوں کو خراجِ تحسین

مورخہ: 02 دسمبر2016 ء ؁ 

کراچی ( ) بلدیہ وسطی کی پانچ یونین کونسلوں میںیکم دسمبر سے سینکڑوں سینٹری ورکرز اورمشینوں کی مدد سے صد(100) روزہ صفائی مہم کا زور شور سے جاری ہے۔جس کی نگرانی بہ نفسِ نفیس خود چئیرمین بلدیہ وسطی ریحان ہاشمی اور وائس چئیرمین سید شاکرعلی کررہے ہیں۔یوسی نمبر 4؍12؍ نیوکراچی، یو سی نمبر 18؍نارتھ ناظم آباد، یوسی نمبر31؍ایف بی ایریا اور یوسی نمبر42؍ لیاقت آباد سے ، 2؍ دنوں میں ہزاروں ٹن کچرا ڈمپرز کے ذریعے ٹھکانے لگایاگیا۔ جبکہ گرین بیلٹس کی صفائی تیزی کے ساتھ جاری ہے۔ آج یوسی 45؍ لیاقت آباد نمبر4؍میں نے بلدیہ وسطی کے زیرِ انتظام ڈسپنسری کی بحالی کے کا کام کا آغاز کردیا گیا، چیئرمین ریحان ہاشمی اور وائس چئیرمین سید شاکر علی نے ڈسپنسری کی صفائی ستھرائی ، رنگ روغن کے کام کا معائنہ کیا۔ اس موقع پر انہوں نے ڈسپنری میں موجود ڈاکٹرز اور پیرامیڈیکل اسٹاف سے ادویات کے اسٹاک اور مزید ضرورت کے بارے میں معلومات حاصل کی۔ منتخب کردہ پانچوں یونین کونسلوں میں موجود بلدیہ وسطی کے زیر انتظام اسکولوں اور ڈسپنسریز کی بحالی کے لئے ترجیحی بنیادوں پرتوجہ دی جارہی ہے ۔ علاوہ ازیں اسٹریٹ لائٹس اور گرین بیلٹس کی صفائی سے ضلع کی صورتِ حال بہترہوتی جارہی ہے۔ واضح رہے وسائل کی کمی کے باوجود بلدیہ وسطی کے کارکنان تندہی سے صفائی مہم کو کامیاب بنانے کے لئے دن رات محنت کررہے ہیں۔جس کے لئے چئیرمین اور وائس چئیرمین نے کارکنان کو خراجِ تحسین پیش کیا۔ چئیرمین ریحان ہاشمی نے ضلع وسطی کے عوام سے اپیل کی ہے کہ وہ اپنے ضلع کو صاف اور شفاف بنانے میں بلدیہ وسطی کے ساتھ تعاون کریں تاکہ ضلع وسطی کو شہر کا شفا ف ترین ضلع بنانے کی کوششیں بارآور ثابت ہوسکیں۔


2nd Dec 2016 DMC Central Karachi News & Picture #Karachi100daysplan